‘सोयरीक’ जुळणार…

‘सोयरीक’  जुळणं ही प्रत्येकाच्याच आयुष्यातील खूप मोठी आणि महत्त्वाची घटना असते. आणि ती कधी? कुठे? आणि कशी प्रकारे जुळेल? या सुद्धा प्रत्येकाच्या नशीबाच्या आणि योगायोगाच्या गोष्टी असतात. विजय शिंदे, शशांक शेंडे आणि मकरंद माने या दिग्गजांनी सुद्धा आपली ‘सोयरीक’ चांगलीच जुळून आणली आहे. ‘पोरगं मजेतय’ या मराठी चित्रपटाच्या निर्मिती नंतर ‘सोयरीक’ या चित्रपटाद्वारे हे तिघेही आणखी एकदा एकत्र आले आहेत. ‘नाईंटीनाईन प्रोडक्शन्स’ आणि ‘बहुरूपी प्रोडक्शन्स’ यांची निर्मिती असलेला, मकरंद माने लिखित-दिग्दर्शित ‘सोयरीक’  हा चित्रपट लवकरच तुमचा आणि महाराष्ट्राच्या भेटीला येणार आहे. विजय शिंदे, शशांक शेंडे आणि मकरंद माने या दिग्गजांनी या चित्रपटाची निर्मिती केली आहे. कौटुंबिक धाटणीच्या या मनोरंजक चित्रपटाचा मुहूर्त अकलूज येथे शेवटच्या चित्रीकरणाने संपन्न झाला. अनेक नामवंत कलाकारांची हजेरी आपल्याला या चित्रपटात पहायला मिळणार आहे.

‘नातं’.. हा शब्द म्हणायला जेवढा सोपा आहे तेवढाच जपायला कठीण आणि आवगड आहे. मग तो आवगड असा शब्द जपताना त्यात सुरू होते ती स्वार्थ अन निस्वार्थची लढाई. आणि याच शब्दावर एक हलकी धूसर रेष असते त्यावर तुम्ही कसे उभे आहात? त्यावर तुमची ‘सोयरीक’ अवलंबून असते आणि तेच मांडायचा प्रयत्न आम्ही करीत आहोत, असे दिग्दर्शक मकरंद माने यांनी आवर्जून सागितले.

सध्याच्या कठीण आणि अडचणीच्या काळात प्रत्येकालाच नात्याची व त्यातल्या आपलेपणाची जाणीव प्रकर्षाने होऊ लागली आहे. आजवर आपल्या चित्रपटांतून सामाजिकतेचा वेध घेणारे दिग्दर्शक मकरंद माने ‘सोयरीक’  या चित्रपटातून नात्यांची मनोरंजक सफर आणि अनुभव प्रेक्षकांना घडविणार आहेत. या चित्रपटाबद्दल निर्माते विजय शिंदे, मकरंद माने, शशांक शेंडे उत्सुक असून काहीतरी वेगळं घेऊन येण्याचा आमचा हा प्रयत्न प्रेक्षकांना नक्की आवडेल असा विश्वास हे तिघेही व्यक्त करतात पाहायला मिळाले.