‘भंवर जिंदगी’ या चित्रपटाचा टीझर प्रदर्शित

बॉलिवूड अभिनेता गणेश यादव आणि कमलेश सावंत यांच्या रहस्यमय ‘भंवर जिंदगी’ या चित्रपटाचा टीझर प्रदर्शित, काही मिनीटातचं एक लाख व्हयूज मिळाले

आजवर स्त्रीयांवर होणा-या शारीरीक आणि मानसिक समस्यांना आवाज उठवणारे अनेक सिनेमे येऊन गेलेत. परंतु ‘भंवर’ या सिनेमात स्त्रीया मानसिक तसेच शारीरिक समस्यांना कशा मात देत जातात. त्यांच्यावर कोणती परिस्थिती उद्भवते. या सर्व गोष्टींना वाचा फोडण्यासाठी हे एक चांगले कथानक आहे. तसेच या सिनेमात बॉलिवूड अभिनेता गणेश यादव सोबत कमलेश सावंत विशेष भूमिकेत दिसणार आहेत. रॉयल समृद्धी असोसिएट प्रेझेंट ‘भंवर’ सिनेमाचा टिझर नुकताच सोशल मिडीयाच्या माध्यमातून प्रदर्शित करण्यात आला आहे आणि अवघ्या काही मिनीटातच हा टीझर १ लाखापेक्षा अधिक लोकांनी बघितला आहे.

बॅलन्स, पॉस्को 307, रंभ अश्या सिनेमांचे डिरेक्शन स्वरूप सावंत याने केले आहे. भंवर या सिनेमात त्याने लेखन, दिग्दर्शनासह, अभिनेता म्हणून भाग घेतला आहे. या सिनेमाच्या कथानकाबद्दल स्वरूप सांगतो, “भंवर या सिनेमाचे लेखन माझ्यासह केशव कल्याणकर तसेच साकेत लाड सावनगीकर यांनी केले आहे. स्त्रीयांवर होणारे अत्याचार, त्यांच्यावर लहानपणापासून केलेले अन्याय यावर भाष्य करणारे हे कथानक आहे. या सिनेमात बॉलिवूडचा स्टार गणेश यादवसह, कमलेश सावंत, श्रेया पासलकर, तन्मयी सावर्डेकर हे सर्व कलाकार पाहायला मिळणार आहेत.

बॉलिवूड अभिनेता गणेश यादव भंवर सिनेमातील भूमिकेविषयी सांगतो, या सिनेमात मी अंडर कव्हर एजंटच्या भूमिकेत तुम्हाला दिसणार आहे. खूपच रोमांचक आणि रहस्यमय असा हा चित्रपट आहे. माझी खात्री आहे, की लोकांना हा चित्रपट नक्की आवडेल. या सिनेमाची खासियत म्हणजे या सिनेमाचा पार्ट 2 लवकरच प्रदर्शित होणार आहे. हा सिनेमा सिनेमागृहात प्रदर्शित करण्यासाठी आम्ही सगळेच फार उत्सुक आहोत.”

अभिनेता कमलेश सावंत भंवर सिनेमाच्या अनुभवाविषयी सांगतात, “भंवर सिनेमात मी इन्सपेक्टरच्या भूमिकेत आहे. कथानकात लिहील्याप्रमाणे ज्या काही दुर्घटना घडतात. त्यांचा तपास मी वेगवेगळ्या प्रकारे करतो आणि माझ्या आयुष्यात त्याचे पडसाद कसे उमटतात, हे तुम्हाला पाहायला मिळेल. तसेच हा सिनेमा नोव्हेंबर २०२१ ला सर्वत्र प्रदर्शित होणार आहे. तसेच या सिनेमाच्या पुढच्या भागच शुटींग आम्ही लवकरात लवकर सुरू करणार आहोत.

रॉयल समृद्धी असोसिएट प्रेझेंटस, स्वरूप सावंत दिग्दर्शित, वैशाली बाळासाहेब सावंत, श्रीकांत बालघरे निर्मीत भंवर हा सिनेमा नोव्हेंबर २०२१ रोजी जवळच्या चित्रपट गृहात प्रदर्शित होणार असून तसेच या सिनेमाचा पुढचा भाग केव्हा प्रदर्शित होईल हे पाहणे औत्सुक्याचे ठरेल.